مناكير كيكو | Kiko Nail Polishers

بسم الله الرحمن الرحيم

السلام عليكم

سمعت مدح كثير على ماركة كيكو بجودتها مقارنه بسعرها ، بس بصراحة استبعدت اني ممكن القاها وما فكرت اطلب

لان احب قبل اجرب ماركه جديده اشوف على الطبيعه. قبل فتره رحت واشنطن وشفت المحل قدامي

على طول طبعاً توجهت لأكثر قسم سمعت عنه كلام ايجابي اللي هو المناكير وكان عندهم تخفيض

٧٠٪ وهذا السبب اللي خلاني اكتب الموضوع بسرعه

لو احد مر يمديه يستفيد من التخفيض لان من شهر تقريباً انا شفته وشيكت على الموقع لسى موجود

المميزات اللي عجبتني في المناكير:

قوامها ما هو سائل جداً

ثااااابته

وريشتها مو عريضه بس مريحه في الاستخدام

تنوع الالوان رهيب، عندهم تقريباً ١٥٠ لون من النوع اللي عجبني

http://www.kikocosmetics.com/en-us/make-up/hands/nail-polishes/Nail-Lacquer/p-KM00401001

فيه عندهم اكثر من نوع، كلهم اخترت هالنوع الا واحد اسمه كب كيك بحطه في الصور تحت

هي قبل التخفيض رخيصه، كيف بعده؟ سعر الحبه ب ١.٩٠ دولار يعني تقريباً ٧ ريال!

واعتبرها ممتازه وافكر اطلب زياده منها

نجي للصور:

Read more »

Leave a Comment Nails

القاعده الذهبيه | Golden Rule

بسم الله الرحمن الرحيم

السلام عليكم 

كل شخص منا اكيد مرت عليه فترة انه يبي يتغير للافضل

ويدخل عادات ايجابيه في نمط حياته .. و عادة تنجح و عادة للاسف تفشل

مثلاً انا اكبر مشكله اواجهها من كنت صغيره التسويف 

وكان ينتج من التسويف تضييع الوقت وبالتالي .. 

- قلت الانتاجيه

- قل تحقيق الاهداف

- بطئ في تطوير المهارات

Read more »

2 comments مما تعلمت

دروس سيفورا | Sephora Tutorials

بسم الله الرحمن الرحيم

مرحبا:

قبل فتره كنت اتمشى بالمول، لفتت انتباهي لوحه امام سيفورا (سيفورا امريكا)

كان فيها مواعيد تواريخ. لما سآلت الموظفه قالت لي هاذي دروس مجانيه نسويها بالمحل على يد الارتست اللي عندهم 

انبسطت كثير وعجبني هالشي تمنيت لو يكون في كذا بالسعوديه، طبعاً سجلت عند اقرب درس اللي بيكون بعد بكره ان شاءالله ، الدرس بيكون السموكي النهاري Daytime Smoky Eye

وقت الدروس في الصباح بس حمدلله في الويكند ما راح تتعارض مع وقت محاضراتي 

مره متحمسه احس بقضي اوقات جميله 

ان شاءالله بكتب المعلومات اللي بتعلمها منهم

وبرضو سجلت في دروس شهر سبتمبر وراح اشارككم فيها.

2 comments Sephora

اهلاً | Welcome

بسم الله الرحمن الرحيم

    اهلاً

بداية سنة 2014 انشئت مدونة على وورد بريس، كانت اول تدوينه كتبتها اني لسى ما قررت 

ايش المواضيع اللي بطرحها.

كنت ابي ادون لهدف معين حتى يدفعني للاستمرار دائماً وما كنت ببدأ الا اذا عرفته.

الآن لما اتذكر هذيك اللحظه تجي على بالي عبارة ان الانسان كل يوم قدامه فرررص كثير بس تنتطر منه يستغلها، 

،للأسف كانت من الفرص الجميله بس ما استغليتها. الحمدلله ان الفرص دائما متاحه.

قبل أيام قريت عبارة وتذكرت مدونتي السابقه، كانت العباره:

"كل حركه نافعه في الوجود عبادة."

وعلى طول عرفت هدفي و قررت ارجع للتدوين، هذا الشي اللي ابيه "نشر الفائده"

غالباً ما ارسل لخواتي او قريباتي شي جربته وفادني او نصيحه في اللغه الإنجليزيه واجلس اشرح بالتفصيل واكون من قلبي ابيهم يجربون، وكل ما طال الشرح معناته هالشي جداً مهم بالنسبه لي وغصب ابي اقنعهم ههههههه.

اتمنى احقق هدفي والجميع يارب 

Leave a Comment