بسم الله الرحمن الرحيم
اهلين وسهلين:
كيفكم؟
في تدوينة الكلاس السابق كتبت ان الكلاس الجاي بيكون عن الكونسيلر بس قبل بيوم كلموني وقالوا انه تأجل، طبعاً توقعتهم بيخلونه بيوم كلاس كريم الاساس بس كان بمكانه وشكل كلاس الكونسيلر تأجل لوقت آخر.
طيب .. هاذي تجهيزاتهم لكل كلاس، في اربع طاولات كذا
كل الادوات اللي نحتاجها من فرش وغيره، سله للمشتريات، علبة ماء، والورقه فيها نقاط مختصره عن الكلاس. بدأنا بأنه كل شخص يعرف عن نفسه ويقول ايش اكبر مشكله تحصله مع الميك اب.
موضوعنا اليوم .. "الحصول على كريم اساس خالي من العيوب"
اهم خطوه واهم حاجه في الميك آب، الاساس لو كان مضبوط كل شي بعده راح يكون تمام، عشان كذا احرصي كثير تختارين اساس يناسبك بعنايه وبعدها طبقي بتكنيكات مختلفه لحد ما توصلين لنتيجه ترضيك.
الاساسيات:
1. الترطيب والبرايمر2. كريم الاساس
3. كونسيلر
4. باودر
الترطيب والبرايمر
اهم خطوه الترطيب، لان لو بشرتك جافه بعد وضع الاساس راح تطلع لك قشور ويكون شكل الاساس مقطع ومو سلس منظره،برضو الترطيب يساعد الاساس يبقى لفتره اطول، استخدمي كريمك المرطب على بشره نظيفه
سألتهم عن كل بشره وكانت هاذي توصيتهم واولاً واخيراً اهم شي النوع اللي مناسبك انتِ
للبشره الدهنيه : يفضل الجل مثل كلينك Moisture Surge
للبشره المختلطه: لوشن مثل بيلف The true cream aqua bomb هذا اللي استخدمته
للبشره الجافه: لوشن مثل فريش Lotus Youth Preserve وجداً ممتااااز لكل انواع البشره برضو
وما ننسى في خطوة الترطيب نرطب حول العينين بكريم العيون
طريقة وضعه.. دفي الكميه المناسبه بين يدينك وطبقيه بالتربيت. ابداً لا تمسحين بس اضغطي علي بشرتك برفق.
كيف تعرفين ان الكميه مناسبه.. اذا خلصتي وضع الكريم اضغطي باصابعك على وجهك لو حسيتي انها تلصق يعني الكميه كثيره، لو حسيتي بنعومه يعني الكميه مناسبه.
بعد الترطيب حطي البرايمر اللي تحتاجينه، ممكن كذا نوع في وقت واحد
البرايمر 3 انواع: تقليدي، مات، مصحصح لون
برايمرات مصححة اللون متنوعه جداً عند ميك آب فوريفر وسماش بوكس، الا ما تلقين حاجتك عندهم ان شاءالله
من اليمين لليسار..
1. برايمر آورقلاس Veil Mineral من النوع التقليدي: معدني، مقاوم للماء، يعطي نعومه للفاونديشن، ملمسه ناااااااعم جداً جداً.. فعلاً اول مره اجرب برايمر بهالنعومه.
2. برايمر سماش بوكس Minimizes Redness من نوع تصحيح اللون: ملمس ناعم، يملأ الخطوط التعبيريه، يخفف الاحمرار.
3. برايمر ستيلا One Step من نوع تصحيح اللون: سيروم يحتوي على تصحيح لون واضاءه وترطيب، ايضاً يملأ الخطوط التعبيريه ويقلل من حجم المسام، قوامه ثقيل وناعم الملمس.
4. برايمر جيفنشي Mister Matt من نوع المات: قوامه سيليكوني يحد من ظهور الدهون، يقلل من حجم المسام، يعطي البشره منظر صحي.
5. برايمر مارك جيكبس Perfecting Coconut نوع التقليدي: هو البرايمر الوحيد لبراند مارك جيكبس، قوامه مثل اللوشن، يعطي نعومه للبشره ولاحتوائه على جوز الهند يرررطب، يعني مثالي للبشره الجافه يسمع للبشره تتنفس ما يسد المسام.
برايمر آورقلاس ومارك جيكبس خاليه من البارابين، الكبريتات، والفثالات
طريقة وضعه.. اذا كان قوامه سيليكوني بالتربيت، اما اللوشن عادي بالمسح الخفيف ويفضل التطبيق يكون بالاصابع حتى يسمح لك تحسين بالاماكن اللي ما حطيتي فيها او تحتاج زياده
مهم جداً ما تكون الكميه كبيره لان راح يعطيك نتيجه عكسيه.
الى هنا ونكون انهينا جزء الترطيب والبرايمر
نكمل في تدوينه ثانيه، الباقي يبي له تفصيل ف احسن يكون في تدوينه منفصله لفائده اكبر.
التدوينات القادمه:
الجزء الثاني لتدوينة كريم اساس خالي العيوب
والكريم المرطب اللي وعدتكم اتكلم عنه
واي سؤال ارسلوا لي في ال contact فوق او اكتبوا لي في التعليقات
اشوفكم في تدوينه قادمه، بحفظ الله جميعاً
0 comments:
Post a Comment